«Ինչ վերաբերում է Իրանի դիրքորոշումներին, մենք մշտապես կապի մեջ ենք մեր իրանցի գործընկերների հետ և տեղեկացնում ենք իրենց զարգացումների վերաբերյալ, հաշվի ենք առնում իրենց զգայունությունները։
Իրենց շահերը հաշվի առնված են, և այս առումով շատ կարևոր է նշել, որ Իրանի ԱԳՆ-ն, այդ թվում՝ Իրանի արտգործնախարարը, բազմիցս նշել է, որ այս նախագիծը իրենց կարմիր գծերը հաշվի առնում է և նաև հնարավորություններ է ստեղծում իրենց համար։ Ես կարծում եմ՝ սա ուժի մեջ է»,- պատասխանեց ԱԺ նախագահի տեղակալը:
Ճշտող հարցին՝ այդ դեպքում ինչո՞ւ են Իրանից նման հայտարարություններ հնչում, Ռուբինյանը պատասխանեց, որ մենք պետք է հաշվի առնենք Իրանի, ընդհանրապես ցանկացած երկրի պաշտոնական դիրքորոշումը, իսկ ցանկացած երկրի պաշտոնական դիրքորոշում հայտնում է տվյալ երկրի արտգործնախարարությունը։
«Մենք հիմնվում ենք Իրանի արտգործնախարարության հայտարարությունների վրա:
Մենք կարող ենք ասել հետևյալը, որ՝
ա) բացառվում է՝ Հայաստանում լինի որևէ նախագիծ, որը կհակասի Հայաստանի ինքնիշխանությանը, տարածքային ամբողջականությանը և չի լինի Հայաստանի լիակատար իրավազորության ներքո.
բ) մենք հաշվի առնում ենք մեր հարևանների բոլոր կենսական շահերը, և Իրանի դեպքում ընդհանրապես այդ շահերը Հայաստանի հետ մեծ մասամբ համընկնում են։
Մենք չենք կարծում, որ կա որևէ անհանգստանալու բան, և այս առումով ընդհանրապես կապի մեջ ենք մեր բոլոր գործընկերների հետ։ Եվ մեզ ուրախացնում է այն փաստը, որ Իրանի ԱԳՆ-ն բազմիցս նշել է, որ այս հարցում իրապես միջանցքի խնդիր չկա, և Իրանի կարմիր գծերը նույնպես հաշվի առնված են։
Իրականում դա ոչ միայն Իրանի կարմիր գիծն է, դա առաջին հերթին Հայաստանի կարմիր գիծն է, որ Հայաստանի տարածքով արտատարածքային միջանցք չի լինելու»,- ընդգծեց Ռուբեն Ռուբինյանը:
Հեղինակ`Կարմեն Ղուկասյան