Վաղը երեկոյան ուղիղ եթերում կդիմեմ ազգին, այս մասին գրել է ԱՄՆ նախագահ Դոնալդ Թրամփը։
Սպիտակ տունն էլ բացահայտել է Թրամփի առաջիկա ելույթի թեման։
«Իր առաջիկա ելույթի ընթացքում Թրամփը կանդրադառնա իր նախագահական նվաճումներին»,-Fox News-ին տված հարցազրույցում ասել է Սպիտակ տան մամուլի քարտուղար Քերոլայն Լևիթը։
«Նախագահ Թրամփը կխոսի այն մասին, թե ինչ է սպասվում ապագայում։ Լավագույնը, ինչպես նա հաճախ է ասում, դեռ առջևում է, ուստի նա կդիմի քաղաքացիներին և կանդրադառնա իր բոլոր պատմական նվաճումներին անցած տարվա ընթացքում»,-ասել է նա։