Բոլիվիայի Սանտա Կրուս նահանգում տեղի ունեցած ջրհեղեղի հետևանքով առնվազն 20 մարդ է զոհվել, նույնքանը՝ անհետ կորած են համարվում:
Երկրի պաշտպանության փոխնախարար Ալֆրեդո Տրոչեն այս մասին հայտարարել է Բոլիվիայի հեռուստատեսությամբ։
«Զոհերի թիվը հասել է 20-ի։ Ավելի քան 20 մարդ դեռևս անհետ կորած է համարվում։ Ցավոք, զոհերի թիվը, հավանաբար, կաճի, քանի որ ջրի մակարդակը կնվազի, և փրկարարները որոնում են նրանց մարմինները, ովքեր չեն կարողացել ողջ մնալ», – ասել է նա։
Իշխանությունները տարածաշրջանը հայտարարել են աղետի գոտի։ Ջրհեղեղներից ամենաշատը տուժել է Էլ Տորնո նահանգը: Իշխանությունների տվյալներով՝ աղետից տուժել է ավելի քան 600 ընտանիք։