ԱՄՆ նախագահ Դոնալդ Թրամփը 5 միլիարդ դոլարի հայց է ներկայացրել BBC-ի դեմ՝ 2021 թվականի հունվարի 6-ին Panorama վավերագրական ֆիլմում իր ելույթի խմբագրման պատճառով: Այս մասին հայտնում է BBC-ն:
Ֆլորիդայում ներկայացված դատական փաստաթղթերի համաձայն՝ Թրամփը հեռուստաընկերությանը մեղադրել է զրպարտության և առևտրային պրակտիկայի մասին օրենքը խախտելու մեջ:
Լրատվամիջոցը նոյեմբերին ներողություն էր խնդրել Թրամփից, սակայն մերժել էր նրա փոխհատուցման պահանջները և չէր համաձայնել, որ «զրպարտության հայցի համար որևէ հիմք կա»:
Թրամփը հայտարարել էր, որ պատրաստվում է դատի տալ BBC-ին՝ 2024 թվականին ԱՄՆ-ի ընտրություններին ընդառաջ Մեծ Բրիտանիայում հեռարձակված վավերագրական ֆիլմի համար:
