Փալմիրի մէջ ամերիկեան եւ սուրիական միացեալ ուժի մը վրայ յարձակումէն ետք, սուրիական ապահովական ուժերը Ուաշինկթընի ղեկավարութեամբ Միջազգային դաշինքին հետ գործակցաբար ՏԱՀԵՇ-ի բջիջներու հետապնդման արշաւ մը շղթայազերծեցին: Այս մասին ԱՖՓ լրատու գործակալութեան յայտնած է Սուրիոյ ներքին գործոց նախարարութենէն պաշտօնատար մը:
Յիշեցնենք, որ յարձակումին պատճառով երեք ամերիկացիներ` երկու զինուորներ ու քաղաքային թարգմանիչ մը մահացած էին:
Սուրիացի պաշտօնատարը յայտնած է, որ ներկայիս սուրիական անապատին, մասնաւորաբար Փալմիրի մէջ ընթացքի մէջ է ապահովական արշաւ մը` Միացեալ Նահանգներու ղեկավարութեամբ Միջազգային դաշինքի ուժերու հետ գործակցաբար ՏԱՀԵՇ-ի բջիջները հետապնդելու համար: