Հասարակության հանդեպ բացահայտ անհարգալից վերաբերմունք դրսևորելու և խուլիգանություն կատարելու կասկածով ձերբակալվել և ոստիկանություն էր տեղափոխվել Լեհաստանի 17 քաղաքացի։
Վերնիսաժում տեղի ունեցած դեպքի առթիվ ՔԿ-ում վարույթ չէր նախաձեռնվել։
Դեպքից հետո, սակայն, լեհ երկրպագուները Երևանի ռեստորաններից մեկում խուլիգանություն են կատարել։
Aysor.am-ի հետ զրույցում ՀՀ քննչական կոմիտեի լրատվական ծառայությունից հայտնեցին, որ այս դեպքի առթիվ նախաձեռնվել է քրեական վարույթ՝ Քրեական օրենսգրքի 297-րդ հոդվածի 2-րդ մասի 1-ին կետով (խուլիգանությունը՝ մի խումբ անձանց կողմից) և 195-րդ հոդվածի 2-րդ մասի 5-րդ կետով (ֆիզիկական ներգործությունը՝ մի խումբ անձանց կողմից):
«Կատարվում է նախաքննություն: Դեպքի առթիվ նախաձեռնված քրեական վարույթի շրջանակում հանրային քրեական հետապնդում է հարուցվել 16 անձի նկատմամբ:
Նրանցից 7-ի նկատմամբ որպես խափանման միջոց կիրառվել է բացակայելու ագելքը, իսկ 9-ի նկատմամբ հայտարարվել է հետախուզում»,-հայտնեցին ՔԿ-ից։