Չեչնիայի Հանրապետության ղեկավար Ռամզան Կադիրովը հայտարարել է, որ պատրաստ է մասնակցել հերթական ընտրություններին 2026 թվականին, եթե այդ առաջարկը ստանա նախագահ Վլադիմիր Պուտինից և այդ որոշմանն աջակցի ժողովուրդը, գրում է «Коммерсантъ»-ը։ «Ես կգնամ ընտրությունների, եթե նախագահը առաջարկի և ժողովուրդը աջակցի», — ասել է Կադիրովը ուղիղ եթերում։
Միաժամանակ նա նշել է, որ «մինչև կոկորդը» կուշտ է իշխանությունից և ժողովրդին ծառայելուց։
Կադիրովը ղեկավարում է Չեչնիան 2007 թվականից, ինչը ռեկորդ է Ռուսաստանի բոլոր գործող տարածաշրջանային ղեկավարների շրջանում։
Վերջին ընտրություններում՝ 2021 թվականի սեպտեմբերին, նա հաղթել էր ռեկորդային արդյունքով՝ ստանալով ընտրողների 99,7% ձայները։
Վլադիմիր Պուտինն այդ ժամանակ մեկնաբանել էր, որ նման արդյունքը տրամաբանական է, եթե հաշվի առնենք, թե որքան է փոխվել հանրապետությունը Կադիրովի ղեկավարության տարիներին։