Խանութներում մարկետինգի մասնագետ աշխատած մարդը օբյեկտիվորեն չէր կարող ունենալ այդքան փորձառություն, այս մասին ասել է «Մեր ձևով» ժողովրդական շարժման համակարգող Նարեկ Կարապետյանը` Գևորգ Պապոյանին։
Նարեկ Կարապետյանը արձագանքել է ՔՊ-ական էկոնոմիկայի նախարար Գևորգ Պապոյանին և մյուս իշխանական պաշտոնյաներին, որոնք երկու օր շարունակ ուշադիր հետևում էին շարժման մասնակիցների Սյունիք կատարած այցին ու կազմակերպած ֆեյսբուքյան ստատուսներ գրում նրանց դեմ։
Կարապետյանն անդրադարձել է Աշխատանքի և սոցիալական հարցերի նախարար Արսեն Թորոսյանին, ով ասել էր, թե իրենք դպրոց չեն փակում։
«Միայն Սյունիքում մոտավոր 45 դպրոց է փակվում»,- հակադարձել է Կարապետյանը։
Անդրադառնալով Սյունիքի մարզպետին՝ Նարեկ Կարապետյանն ասել է, որ Ղուկասյանն այն մարզպետն է, ում կառավարման ժամանակ 45 դպրոց է փակվել։
«Ինչ վերաբերվում է Սյունիքի տեղն իմանալուն՝ ես փոքր տարիքում ավելի լավ գիտեի Սյունիքի տեղը, քան դուք՝ մինչև ձեր նշանակվելը»,- նշել է Նարեկ Կարապետյանը։
Մանրամասները՝ տեսանյութում։