Իսպանիայի առաջնության 16-րդ տուրում «Բարսելոնան» սեփական հարկի տակ 2:0 հաշվով առավելության հասավ «Օսասունայի» նկատմամբ։
Հանդիպման հերոս դարձավ կատալոնական ակումբի բրազիլացի հարձակվող Ռաֆինյան, ով դուբլ ձևակերպեց։ Նախ՝ 70-րդ րոպեին, Պեդրիի փոխանցումից հետո նա բացեց խաղի հաշիվը, իսկ 86-րդ րոպեին խփեց իր թիմի երկրորդ գոլը։
Հարկ է նշել, որ մինչ այդ՝ 23-րդ րոպեին, մրցավարը խաղից դուրս վիճակի պատճառով չէր արձանագրել տանտերերի հարձակվող Ֆերան Տորեսի գոլը։
Այս հաղթանակը «Բարսելոնայի» համար յոթերորդն էր անընդմեջ Լա Լիգայում։ Հանս-Դիտեր Ֆլիկի սաները վաստակած 43 միավորով շարունակում են միանձնյա գլխավորել մրցաշարային աղյուսակը։ «Օսասունան» 15 միավորով զբաղեցնում է 16-րդ հորիզոնականը։
Հաջորդ տուրում «Բարսելոնան» դեկտեմբերի 21-ին արտագնա խաղում կմրցի «Վիլյառեալի» հետ, իսկ «Օսասունան» դեկտեմբերի 20-ին կընդունի «Ալավեսին»։
Հանդիպման տեսանյութը՝ ԱՅՍՏԵՂ
Լա Լիգայի մրցաշարային աղյուսակն այս պահին