ԵՐԵՎԱՆ, ԴԵԿՏԵՄԲԵՐԻ 13, 24News
Դեկտեմբերի 11-ին ՀՀ-ում Ռուսաստանի Դաշնության դեսպանատանը Նոր տարվա տոներին ընդառաջ տեղի ունեցավ երաժշտական երեկո։ Մասնակցում էին ՀՀ պետական մարմինների, Երևանում հավատարմագրված դիվանագիտական առաքելությունների և միջազգային կազմակերպությունների ներկայացուցիչներ, հասարակական-քաղաքական, մշակութային, լրատվամիջոցների և գործարար համայնքի ներկայացուցիչներ, հայրենակիցներ և երիտասարդական ակտիվիստներ։
Միջոցառման ժամանակ իր ելույթում Ռուսաստանի դեսպան Սերգեյ Կոպիրկինը նշեց մշակութային, մարդասիրական և հոգևոր կապերի խորացման կարևորությունը որպես Ռուսաստանի և Հայաստանի միջև հարաբերությունների հիմնական տարր և շնորհավորեց ներկաներին գալիք տոների կապակցությամբ։
Երեկոյի հյուրերի համար պատրաստվել էր հարուստ ստեղծագործական ծրագիր, որտեղ ներառված էին ռուս և հայ կոմպոզիտորների հայտնի ստեղծագործություններ՝ Կ. Շախգալդյանի և Ա. Գրիգորյանի կատարմամբ։
—00—ՄԱ