Ֆրանսիան ուկրաինացիների համար անվտանգության երաշխիքների մասին տեղեկատվություն է խնդրում ԱՄՆ-ից՝ մինչ Ռուսաստանի հետ տարածքների վերաբերյալ բանակցություն իրականացնելը, հայտնում է AFP-ն՝ վկայակոչելով Ելիսեյան պալատի հայտարարությունը։
«Մեզ լիարժեք տեղեկատվություն է անհրաժեշտ այն անվտանգության երաշխիքների մասին, որոնք եվրոպացիներն ու ամերիկացիները կարող են տրամադրել ուկրաինացիներին՝ մինչ վիճահարույց տարածքային հարցերի ցանկացած կարգավորումը»,- ասված է Ելիսեյան պալատի հայտարարության մեջ։
Լրատվամիջոցն ընդգծում է, որ հայտարարությունն արվել է Բեռլինում երկուշաբթի օրը կայանալիք Ուկրաինայի նախագահ Վլադիմիր Զելենսկու, եվրոպացի այլ առաջնորդների, ինչպես նաև ԵՄ-ի և ՆԱՏՕ-ի ղեկավարների հետ հանդիպման նախօրեին։
Ավելի վաղ հայտնել էինք, որ Սթիվեն Ուիթքոֆն առաջիկա օրերին հանդիպելու է Զելենսկու, Ֆրանսիայի, Գերմանիայի, Մեծ Բրիտանիայի առաջնորդների հետ։