10:21 13.12.2025 (Թարմացված է: 10:23 13.12.2025)
Բաժանորդագրվել
Ճանապարհային դեպարտամենտը վարորդներին հորդորում է լինել ուշադիր, խստագույնս պահպանել ճանապարհային երթևեկության կանոնները։
ԵՐԵՎԱՆ, 13 դեկտեմբերի – Sputnik. Հայաստանի որոշ հատվածներում ձյուն է գալիս, որոշ հատվածներ էլ մառախուղով են պատված։ Ճանապարհային դեպարտամենտը ներկայացրել է ճանապարհներին տիրող իրավիճակը։
«Ժամը 10:05-ի դրությամբ Վարդենյաց լեռնանցքում, Սևանի և Վայքի տարածաշրջաններում ձյուն է տեղում։ Աբովյանի, Հրազդանի, Էջմիածնի, Արմավիրի, Արթիկի տարածաշրջանների ավտոճանապարհներին մառախուղ է, տեսանելիությունը՝ 50-100 մետր։ Միջպետական և հանրապետական նշանակության բոլոր ավտոճանապարհները բաց են»,– ասված է հաղորդագրությունում:
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
Դեպարտամենտը վարորդներին հորդորում է լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։