Այսօր Դիլիջանի կենտրոնական դպրոցում կայացավ կիբեռանվտանգության իրազեկման արշավի տարեվերջյան ամփոփիչ հանդիպումը: Այս մասին հայտնում է բարձր տեխնոլոգիական արդյունաբերության նախարար Մխիթար Հայրապետյանը։
«Միջոցառմանը ներգրավված էին ավելի քան 300 աշակերտներ Դիլիջանի, Հովքի, Թեղուտի, Հաղարծնի և Գոշի հանրակրթական դպրոցներից։
Կիբեռանվտանգության իրազեկման արշավն իրականացվում է ՀՀ ԲՏԱ նախարարության և ՀՏՀԳ-ի համատեղ նախաձեռնությամբ և նպատակ ունի թե՛ դպրոցականների, թե՛ մեծահասակների շրջանում ձևավորել ավելի պաշտպանված, գիտակցված և պատասխանատու առցանց միջավայր»,-նշել է նա։
