Ղազախստանի նախագահ Կասիմ-Ժոմարտ Տոկաևը Աշխաբադում կայացած «Խաղաղության և վստահության միջազգային տարի 2025» համաժողովում հայտարարել է, որ Հայաստանի և Ադրբեջանի միջև վաշինգտոնյան պայմանավորվածությունները լայն հնարավորություններ են բացում Հարավային Կովկասում և դրանից դուրս համագործակցության զարգացման համար։
Տոկաևն ընդգծել է, որ Երևանի և Բաքվի կողմից համատեղ հռչակագրի ստորագրումն ունի պատմական նշանակություն և հեռանկարներ է ստեղծում երկարաժամկետ կայունության համար։ Նա հույս է հայտնել, որ շուտով կստորագրվի լիարժեք խաղաղության պայմանագիր։