Եվրոպական հանձնաժողովի նախագահ Ուրսուլա ֆոն դեր Լայենը հայտարարել է, որ ԱՄՆ նախագահ Դոնալդ Թրամփը չպետք է միջամտի եվրոպական ժողովրդավարությանը։ Այս մասին հաղորդում է Politico-ն։
«Երբ խոսքն ընտրությունների մասին է, մենք չենք որոշում, թե ով կլինի երկրի ղեկավարը, այլ այդ երկրի ժողովուրդը… Սա ընտրողների ինքնիշխանությունն է, և այն պետք է պաշտպանվի»,- ասել է Եվրոհանձնաժողովի ղեկավարը:
Նա նաև նշել է, որ միշտ «աշխատանքային լավ հարաբերություններ» է ունեցել ԱՄՆ նախագահների հետ, և «այն շարունակվում է այսօր»։ Այնուամենայնիվ, նա շեշտել է, որ Եվրոպան պետք է կենտրոնանա իր վրա, այլ ոչ թե համեմատվի ուրիշների հետ։
Ավելի վաղ Թրամփը Politico-ին տված հարցազրույցում Եվրոպան անվանել է «քայքայվող» երկրների խումբ, որը գլխավորում են «թույլ մարդիկ»։