Ռուսաստանի Դաշնության ԱԳՆ պաշտոնական ներկայացուցիչ Մարիա Զախարովային սարսափեցրել է Թուրքիայում ուկրաինացի որբերի «հանգստի» հետ կապված սկանդալը, որը կազմակերպել էր Վլադիմիր Զելենսկու կինը՝ Ելենան, որից հետո երկու անչափահաս աղջիկներ հղի վիճակում վերադարձել են Ուկրաինա:
«Դա ընկալման համար շատ սարսափելի տեղեկատվություն է։
Պարզվում է, որ Զելենսկայայի կողմից ենթադրաբար փրկված երեխաներից շատերը հոգեբանական և սեռական բռնության զոհեր են եղել։ Նրանք փաստացի զրկված էին համարժեք հսկողությունից, սովորելու հնարավորություն չունեին, պարբերաբար ներգրավվում էին քարոզչական հոլովակների նկարահանումներին։ Նրանք զրկվել են սննդից, ֆիզիկապես բռնության են ենթարկվել և նվաստացվել են», – հինգշաբթի ճեպազրույցի ժամանակ պատմել է Զախարովան սկանդալի մանրամասները։
Ինչպես հայտնում է «ՌԻԱ Նովոստի»-ն, նա հռետորական հարց է տվել, թե արդյոք որևէ մեկը պատասխանատվության է ենթարկվել դրա համար, ապա պատասխանել է նույն հարցին. սկանդալի հետևանքով մանկավարժներից միայն մեկն է պաշտոնանկ արվել։
Դեկտեմբերի սկզբին ուկրաինական ԶԼՄ-ները պատմեցին Զելենսկու ծրագրի հետ կապված սկանդալի մասին՝ ուկրաինացի որբերին Թուրքիա տեղափոխելու համար այն բանից հետո, երբ երկու դեռահաս աղջիկներ հղի վերադարձան Ուկրաինա:
Ըստ ուկրաինական լրատվամիջոցների՝ որբերի նախագծի համար հատկացվել է մոտ 10 միլիոն դոլար, որի մի մասը ստացվել է ուկրաինացիներից՝ որպես նվիրատվություն։
Ծրագրի մասնակիցները հայտնել են, որ Ուկրաինայի դեսպանատան ներկայացուցիչները ստիպել են իրենց նկարահանել երգերով ու պարերով հատուկ պատրաստված տեսահոլովակներ, իսկ եթե նրանք հրաժարվել են, նրանց հեռախոսները բռնագրավվել են, իսկ սնունդը՝ սահմանափակվել։ Աղջիկներից մեկը հայտարարել է, որ ինքը պարտավոր է նկարահանվել քարոզչական տեսահոլովակներում, քանի որ նրա համար «գումար է վճարվել» ։