Լիտվան պատրաստ է կրկին փակել Բելառուսի հետ սահմանը, եթե ԵՄ-ից և ԱՄՆ-ից օգնություն չստանա ծխախոտի օդային մաքսանենգության դեմ պայքարում։ Այս մասին ազգային LRT ռադիոյի եթերում հայտարարել է վարչապետ Ինգա Ռուգինենեն։
«Եթե միջազգային գործընկերների (ԵՄ և ԱՄՆ) օգնությունը, որի համար մենք դիմել ենք, արդյունք չտա, մենք լրջորեն կքննարկենք ազգային պատժամիջոցներ կիրառելու և սահմանը փակելու հարցը», – ասել է նա։
Ինչպես կարծում է կառավարության ղեկավարը, ավտոմեքենաների անցման համար սահմանը փակելուց հետո Բելառուսի տարածքից արձակված մաքսանենգ ծխախոտներով մետեոզոնդերի թռիչքները հասցվել են նվազագույնի։ Վիլնյուսը միակողմանի որոշմամբ փակել է սահմանը հոկտեմբերի 29-ին։ Անցակետերի աշխատանքը վերսկսվել է նոյեմբերի 20-ին։
2025 թվականի սկզբից ի վեր Լիտվայում գրանցվել է սահմանային ավելի քան 600 խախտում՝ մաքսանենգ ծխախոտ տեղափոխող օդապարիկներով և մոտ 200 միջադեպ՝ անօդաչու թռչող սարքերի մասնակցությամբ։ Ներքին գործերի նախարարության տվյալներով՝ այս միջադեպերը ազդել են ավելի քան 320 չվերթի և գրեթե 50,000 ուղևորի վրա։