Իսրայելի ռազմաօդային ուժերը նոր հարվածներ են հասցրել Լիբանանի հարավային շրջաններին՝ վնասելով մի քանի տուն, հաղորդում է Lebanon’s National News Agency-ն։
Գործակալության տվյալներով՝ գրոհները տեղի են ունեցել Սաֆի լեռան, Ջբաայի և Զեփթա հովտի ուղղությամբ։ Իսրայելական բանակը պնդում է, որ խոցել է «Հեզբոլլահի» օբյեկտները, այդ թվում՝ վարժական բազան և հրթիռային դիրքը:
Միջադեպը տեղի է ունեցել այն բանից հետո, երբ Իսրայելն ու Լիբանանն առաջին անգամ քաղաքացիական ներկայացուցիչների են ուղարկել զինադադարի վերահսկման կոմիտե: Իսրայելի և «Հեզբոլլահի» միջև գործող հրադադարը կնքվել է 2024 թվականին՝ ավելի քան մեկ տարի տևած մարտերից հետո։
Ավելի վաղ ՄԱԿ-ը հայտնել էր Լիբանանի ավելի քան 120 զոհված խաղաղ բնակչի մասին՝ հրադադարի կնքման պահից ի վեր:
