Սկսած 2003-ից, ամեն տարի դեկտեմբերի 9-ին աշխարհի բազմաթիվ երկրներում նշվում է Կոռուպցիայի դեմ պայքարի միջազգային օրը։ Ինչպես ցույց են տալիս ուսումնասիրությունները և հրապարակումները, չնայած պետությունների կառավարությունների, խորհրդարանների, հակակոռուպցիոն մարմինների, լրատվամիջոցների ու քաղաքացիական հասարակության, ինչպես նաև միջազգային կառույցների կողմից տարվող պայքարին ու ներդրվող ջանքերին` կոռուպցիան շարունակում է մնալ համաշխարհային լուրջ մարտահրավեր՝ խաթարելով քաղաքացիների վստահությունը պետական ինստիտուտների նկատմամբ և վտանգի տակ դնելով հատկապես ժողովրդավարական ինստիտուտներն ու արժեքները։ Այս մասին հայտարարություն է տարածել Թրանսփարենսին։ 2025-ի սկզբին հրապարակված տվյալներով՝ Թրանսփարենսի Ինթերնեշնլի Կոռուպցիայի ընկալման Հայաստանի 2024-ի համաթիվը 2023-ի համեմատությամբ մնացել է անփոփոխ՝ 47 միավոր, ինչը ցույց է տալիս, որ վերջին տարում կոռուպցիայի դեմ պայքարում առաջընթաց […]