Լեհաստանի արտաքին գործերի նախարար Ռադոսլավ Սիկորսկին դեկտեմբերի 8-ին հրավիրել է Բալթիկ ծովի պետությունների խորհրդի արտակարգ նիստ։
«Այսօր ես հրավիրեցի Բալթիկ ծովի պետությունների խորհրդի արտաքին գործերի նախարարների արտակարգ նիստ», – գրել է նա X (նախկինում՝ Twitter) սոցիալական ցանցում։
Ինչպես նշել է Սիկորսկին, նիստի թեման եվրոպական անվտանգությունն է, ինչպես նաև ուկրաինական հակամարտությունը։
Մեկ օր առաջ Սիկորսկին ամերիկացի գործարար և ձեռնարկատեր Իլոն Մասկին և Ռուսաստանի ուղղակի ներդրումների հիմնադրամի (RDIF) ղեկավար, Ռուսաստանի նախագահի ներդրումների հարցերով հատուկ ներկայացուցիչ Կիրիլ Դմիտրիևին մեղադրել էր Եվրոպայում իրավիճակը ապակայունացնելու փորձի մեջ։ Ի պատասխան՝ Դմիտրիևը պնդել էր, որ ԵՄ բարձրաստիճան դիվանագետները խուճապի մեջ են։