Քաղաքականություն
08.12.2025 | 14:41
Ստամբուլում ոստիկանության աշխատակիցներնառավոտյան ժամը 7:30-ի սահմաններում գործողություն են սկսել Այդընլար թաղամասի հասցեներից մեկում, որտեղ թմրանյութերի ապօրինի շրջանառության կասկածներ են եղել, գրում է TRT Haber-ը։
Հատուկ գործողությունների ջոկատի աջակցությամբ իրականացված խուզարկության ժամանակ կասկածյալները տան ներսից կրակ են բացել անվտանգության ուժերի վրա։ Հարձակման հետևանքով ծանր վիրավորվել, ապա հոսպիտալացման ճանապարհին մահացել է սպա Էմրե Ալբայրաքը։
Գործողության ընթացքում տեղի ունեցած փոխհրաձգության ժամանակ սպանվել է ոստիկանության վրա զինված հարձակում իրականացրած Ռ.Ա. անունով կասկածյալը։ Տանը գտնվող մյուս կասկածյալները ձերբակալվել են անվտանգության ուժերի կողմից։
Թարգմանությունը՝ Էմմա Չոբանյանի