Իսպանիայի հավաքականի ու Մադրիդի «Ռեալի» նախկին ավագ Սերխիո Ռամոսը վերջին հանդիպումն է անցկացրել մեքսիկական «Մոնտերեյի» կազմում։
Մեքսիկայի առաջնության փլեյ-օֆֆի կիսաեզրափակիչում «Մոնտերեյը» 2։3 հաշվով պարտվել է «Տոլուկային» ու դուրս մնացել պայքարից։ 39-ամյա Ռամոսը գոլ է խփել 11-մետրանոցից, իսկ խաղից հետո հայտարարել է, որ հեռանում է «Մոնտերեյից»։
«Սա իմ վերջին հանդիպումն էր Մեքսիկայում»,- իսպանացի պաշտպանի խոսքը մեջբերում է Marca-ն։
Սերխիո Ռամոսն այս տարվա փետրվարից է խաղում «Մոնտերեյում»։ Նրա պայմանագրի ժամկետը լրանում է դեկտեմբերի 31-ին։