Վարչապետ Նաուաֆ Սալամ Տոհայի մէջ հանդիպում ունեցաւ Սուրիոյ նախագահ Ահմետ Շարհի հետ:
Հանդիպումը յատկացուեցաւ երկու երկիրներուն միջեւ գործակցութեան ամրապնդման եւ Լիբանան-Սուրիա յարաբերութիւններու զարգացման կարելիութիւններու քննարկման:
Սալամ Տոհայի մէջ նաեւ հանդիպում ունեցաւ «Մայքրոսոֆթ» ընկերութեան հիմնադիր Պիլ Կէյցի հետ եւ զինք հրաւիրեց Լիբանան այցելելու:
Համաձայնութիւն գոյացաւ յառաջիկայ տարի անոր Պէյրութ այցելութեան կարելիութեան շուրջ քննարկումը շարունակելու յունուարին: