Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ուզբեկստանի արևելքում՝ Նամանգանի և Ֆերգանայի մարզերում, վերջին երկու օրվա ընթացքում երրորդ՝ մինչև երեք բալ ուժգնությամբ երկրաշարժն է տեղի ունեցել, հայտնում է РИА Новости-ն՝ հղում անելով երկրի ԱԻՆ մամուլի ծառայությանը։
«Նամանգանի և Ֆերգանայի մարզերում ժամը 16.31-ին երկրաշարժ է տեղի ունեցել։ Ցնցումները կազմել են մոտ երկու-երեք բալ։ Տուժածներ չկան»,- ասված է ԱԻՆ-ի Telegram-ալիքում տեղադրված հաղորդագրության մեջ։
Երկրաշարժի էպիկենտրոնը գտնվել է Նամանգանի մարզի Պապի շրջանում՝ Տաշքենդից 135 կիլոմետր դեպի հարավ-արևելք։
Շաբաթ օրը նույն վայրում երկու անգամ մինչև երեք բալ ուժգնությամբ ցնցումներ են գրանցվել՝ տեղական ժամանակով 2.04-ին և 18.19-ին։ Ավերածությունների և տուժածների մասին հաղորդումներ նույնպես չեն ստացվել։
Հետևեք մեզ՝ այստեղ