https://arm.sputniknews.ru/20251207/jvot-verq-ekeghecu-zangery-200-tarva-mej-arajin-angam-chen-ghvoghanjel-pashinjann-e-gnum-96628734.html
«Յոթ վերք» եկեղեցու զանգերը 200 տարվա մեջ առաջին անգամ չեն ղողանջել․ Փաշինյանն է գնում
«Յոթ վերք» եկեղեցու զանգերը 200 տարվա մեջ առաջին անգամ չեն ղողանջել․ Փաշինյանն է գնում
Sputnik Արմենիա
Շիրակի թեմի հոգևորականը նշում է, որ եկեղեցու զանգերը հնչել են անգամ խորհրդային բռնաճնշումների ժամանակ։ 07.12.2025, Sputnik Արմենիա
2025-12-07T10:09+0400
2025-12-07T10:09+0400
2025-12-07T10:10+0400
հայ առաքելական եկեղեցի
եկեղեցի
գյումրի
նիկոլ փաշինյան
միքայել արքեպիսկոպոս աջապահյան
https://cdn.am.sputniknews.ru/img/07e8/0c/07/83731480_0:31:1280:751_1920x0_80_0_0_ac6eaa2c72b21db42ab622005488b675.jpg
ԵՐԵՎԱՆ, 7 դեկտեմբերի – Sputnik․ Գյումրու «Յոթ վերք» եկեղեցու զանգերը 200 տարվա մեջ առաջին անգամ այսօր չեն ղողանջել։ Ֆեյսբուքյան իր էջում առավոտյան 8։30 հրապարակված տեսանյութում այս մասին ասում է Շիրակի թեմի հոգևորական Արտաշես սարկավագ Աջապահյանը։«Երևի «Յոթ վերքի» կառուցման օրվանից առաջին անգամ զանգերը չեն հնչում։ «Յոթ վերքի» զանգերը հնչել են անգամ սովետական բռնաճնշումների ժամանակ։ Իսկ հիմա չի հնչում, որովհետև ծիսական կյանքը խաթարված է, ծես չի արվելու, առավոտյան ժամերգություն չի արվելու, հետևաբար զանգերն ըստ կանոնի չեն հնչելու՝ հավատացյալ ժողովրդին կանչելու համար»,- իր խոսքում ասում է հոգևորականը։Նրա խոսքով՝ եկեղեցին բոլոր կողմերից շրջապատված է ուժայիններով, հավատավոր ժողովրդին թույլ չեն տալիս մտնել եկեղեցի։ Հոգևորականը շեշտում է, որ Գյումրիում շատ հավատավորներ իրենց օրը սկսում են վաղ առավոտյան եկեղեցի մտնելով և իրենց աղոթքն առ Աստված հղելով, ինչի հնարավորությունն այսօր չեն ունեցել։ «Յոթ վերքի» հոգևորականներն էլ Սուրբ Ամենափրկիչ եկեղեցում են պատարագին մասնակցելու։Նշենք, որ վաղ առավոտից մեծ թվով ուժայիններ են բերվել Գյումրի, այնտեղ են նաև ՀՀ ՆԳՆ ոստիկանության պետի 3 տեղակալները՝ Վարդան Վարդանյանը, Կարեն Հակոբյանը, Արթուր Խուդինյանն ու ոստիկանության նորաստեղծ գվարդիայի հրամանատար Հայկ Բաբայանը։
գյումրի
2025
Լուրեր
am_HY
https://cdn.am.sputniknews.ru/img/07e8/0c/07/83731480_52:0:1116:798_1920x0_80_0_0_f591ec21bae0373b9bf97e489e3b6ac9.jpg
հայ առաքելական եկեղեցի, եկեղեցի, գյումրի, նիկոլ փաշինյան, միքայել արքեպիսկոպոս աջապահյան
հայ առաքելական եկեղեցի, եկեղեցի, գյումրի, նիկոլ փաշինյան, միքայել արքեպիսկոպոս աջապահյան
Շիրակի թեմի հոգևորականը նշում է, որ եկեղեցու զանգերը հնչել են անգամ խորհրդային բռնաճնշումների ժամանակ։
ԵՐԵՎԱՆ, 7 դեկտեմբերի – Sputnik․ Գյումրու «Յոթ վերք» եկեղեցու զանգերը 200 տարվա մեջ առաջին անգամ այսօր չեն ղողանջել։ Ֆեյսբուքյան իր էջում առավոտյան 8։30 հրապարակված տեսանյութում այս մասին ասում է Շիրակի թեմի հոգևորական Արտաշես սարկավագ Աջապահյանը։
«Երևի «Յոթ վերքի» կառուցման օրվանից առաջին անգամ զանգերը չեն հնչում։ «Յոթ վերքի» զանգերը հնչել են անգամ սովետական բռնաճնշումների ժամանակ։ Իսկ հիմա չի հնչում, որովհետև ծիսական կյանքը խաթարված է, ծես չի արվելու, առավոտյան ժամերգություն չի արվելու, հետևաբար զանգերն ըստ կանոնի չեն հնչելու՝ հավատացյալ ժողովրդին կանչելու համար»,- իր խոսքում ասում է հոգևորականը։
Նրա խոսքով՝ եկեղեցին բոլոր կողմերից շրջապատված է ուժայիններով, հավատավոր ժողովրդին թույլ չեն տալիս մտնել եկեղեցի։ Հոգևորականը շեշտում է, որ Գյումրիում շատ հավատավորներ իրենց օրը սկսում են վաղ առավոտյան եկեղեցի մտնելով և իրենց աղոթքն առ Աստված հղելով, ինչի հնարավորությունն այսօր չեն ունեցել։ «Յոթ վերքի» հոգևորականներն էլ Սուրբ Ամենափրկիչ եկեղեցում են պատարագին մասնակցելու։
Նշենք, որ վաղ առավոտից մեծ թվով ուժայիններ են բերվել Գյումրի, այնտեղ են նաև ՀՀ ՆԳՆ ոստիկանության պետի 3 տեղակալները՝ Վարդան Վարդանյանը, Կարեն Հակոբյանը, Արթուր Խուդինյանն ու ոստիկանության նորաստեղծ գվարդիայի հրամանատար Հայկ Բաբայանը։