Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Նյու Յորքում մի երիտասարդի մեղադրանք է առաջադրվել մետրոյի ուղևորին հրկիզելու համար, հաղորդում է ABC News-ը ։
Դեպքը տեղի է ունեցել երկուշաբթի՝ դեկտեմբերի 1-ին, ժամը 3-ի սահմաններում, հյուսիսային ուղղությամբ ընթացող գնացքում՝ 34-րդ փողոց-Փենն կայարան կանգառում:
Հետաքննիչների տվյալներով՝ 18-ամյա Հիրամ Կարերոն կարճ ժամանակով նստել է գնացքը, այրել թղթի մի կտոր և նետել այն 56-ամյա քնած ուղևորի կողքին, ապա դուրս է եկել վագոնից և ավտոբուսով տուն է վերադարձել։
Տեսախցիկների տեսագրությունների համաձայն՝ զոհը, որի ոտքերն ու իրանը այրվում էին, դուրս է եկել հաջորդ կայարանից։ Ոստիկանությունը արագորեն մարել է կրակը, և տղամարդուն շտապ տեղափոխել են հիվանդանոց։ Նա այժմ գտնվում է ծանր վիճակում։
Կարերոն ձերբակալվել է հինգշաբթի՝ դեկտեմբերի 4-ին, և նրան սպառնում է առնվազն յոթ տարվա ազատազրկում: Նրա դրդապատճառները դեռևս անհայտ են: Նախնական լսումը նշանակված է հունվարի 4-ին:
Տեսանյութը՝ այստեղ
Թարգմանությունը՝ Past.am-ի
Հետևեք մեզ՝ այստեղ