Ռուսիոյ նախագահի բանբեր Տմիթրի Փեսքով յայտարարած է, թէ այն ձեւակերպումը, թէ Փութին մերժած է Միացեալ Նահանգներու խաղաղութեան ծրագիրը, սխալ է:
Ռուսիոյ նախագահի մամլոյ քարտուղարը նշած է, որ Միացեալ Նահանգներու հետ բանակցութիւնները պէտք է կարելի եղածին չափ լռութեան մէջ վարուին:
«Ռուսիոյ եւ Միացեալ Նահանգներու նախագահներուն միջեւ հեռաձայնային հաղորդակցութիւնը որեւէ պահու կարելի է, սակայն առայժմ պէտք է փորձագիտական մակարդակով արդիւնքներու հասնիլ», նշած է Փեսքով: