Քաղաքականություն
05.12.2025 | 17:52
Գերմանիայի կանցլեր Ֆրիդրիխ Մերցը դեկտեմբերի 9-ին Բեռլինում կհանդիպի Հայաստանի վարչապետ Նիկոլ Փաշինյանի հետ։ Այս մասին լրագրողներին հայտնել է Գերմանիայի կառավարության ներկայացուցչի տեղակալ Սեբաստիան Հիլլեն, գրում է ՏԱՍՍ-ը։
«Երեքշաբթի մոտավորապես ժամը 16:00-ին Գերմանիայի կանցլերը զինվորական պատիվներով կդիմավորի Հայաստանի վարչապետ Նիկոլ Փաշինյանին Դաշնային կանցլերի գերատեսչությունում։ Հետագա բանակցությունները կկենտրոնանան երկկողմ տնտեսական համագործակցության, տարածաշրջանային հարցերի և Հայաստանի ու Ադրբեջանի միջև խաղաղության գործընթացի վրա»,- ասել է Հիլլեն։
Բանակցությունների արդյունքում նա նշել է, որ նախատեսվում է առաջնորդների համատեղ մամուլի ասուլիս։
Թարգմանությունը՝ Էմմա Չոբանյանի