Ռուսաստանը պատրաստ է Ուկրաինայի շուրջ ստեղծված իրավիճակը խաղաղ ճանապարհով լուծել, սակայն նմանատիպ պարտավորություն չի տեսնում Եվրամիության և Կիևի կողմից։ Այս մասին RT-ին տված հարցազրույցում հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մենք խաղաղություն ենք ուզում և մեր նպատակներին հասնում ենք խաղաղ ճանապարհով։
Սակայն, ցավոք, այդ խաղաղ միջոցները և քաղաքական բանակցությունների ուղին մերժվում են եվրոպացիների և ուկրաինացիների կողմից։ Հենց այդ պատճառով էլ նախագահ Պուտինը որոշեց սկսել հատուկ ռազմական գործողություն», – նշել է նա։