Միացեալ Նահանգներու նախագահ Տանըլտ Թրամփ շեշտեց. «Շատ կարեւոր է, որ Իսրայէլ Սուրիոյ հետ ուժեղ եւ իսկական երկխօսութիւնը պահպանէ, եւ Իսրայէլ Սուրիոյ բարգաւաճ պետութիւն վերածուելուն հակասող որեւէ բան պէտք չէ կատարէ»:
Թրամփ նշեց, որ սուրիական կառավարութեան օգնած կարեւոր բաներէն մէկը Սուրիոյ դէմ հաստատուած պատժամիջոցներու ջնջումն է:
Սպիտակ տունը ըսաւ, որ պատժամիջոցներու ջնջումը Սուրիոյ, անոր ղեկավարութեան եւ ժողովուրդին կողմէ մեծ գնահատումի արժանացաւ:
Միւս կողմէ, Սուրիոյ նախագահական պալատը յայտարարեց, թէ Սուրիոյ նախագահ Ահմետ Շարհ երկուշաբթի օր Դամասկոսի մէջ ընդունած է Սուրիոյ հարցով ամերիկացի յատուկ պատուիրակ Թամըս Պարրաքը, որուն հետ քննարկած է շրջանին մէջ վերջին զարգացումներն ու հասարակաց հետաքրքրութիւն ներկայացնող հարցերը: