«Փաստաթղթերի հրապարակումը մաթեմատիկական ճշգրտությամբ ապացուցում է, որ Նիկոլ Փաշինյանը հրեշ է, որը 2019թ․ ապրիլին և հունիսին ստացել է կարգավորման պլան (չգիտես, թե ինչու ապրիլի պլանը չի հրապարակել), որով հաստատվում էր խաղաղություն, ապաշրջափակում, միջազգային խաղարար ուժերի տեղաբաշխում Արցախի ամբողջ պարագծով, նաև այն 5 շրջանում, որտեղից պիտի հայկական ուժերը դուրս գային, և մենք ստանում էինք խաղաղություն՝ պահպանելով ամբողջ Արցախը, Քելբաջարն ու Լաչինը»,- ասուլիսի ժամանակ ասել է ՀԱԿ փոխնախագահ Լևոն Զուրաբյանը՝ անդրադառնալով Կառավարության հրապարակած Ղարաբաղյան հակամարտության կարգավորման բանակցային գործընթացի փաստաթղթերը։ Շարունակելով խոսքը՝ Զուրաբյանն ընդգծել է. «Բայց նա մերժել է այս պլանն ու ընդհանրապես բանակցությունները, մարտահրավեր է նետել ոչ միայն Ադրբեջանին, այլ նաև ամբողջ միջազգային հանրությանը: Ըստ Էության, նա սրանով լեգիտիմացրել է 2020 թվականի Ադրբեջանի ագրեսիան»: