Սմարթֆոնը բազմաֆունկցիոնալ է. էկրանի երեք բաժիններից յուրաքանչյուրում հնարավոր է բացել առանձին հավելված
ԵՐԵՎԱՆ, 3 դեկտեմբեր․/Նովոստի-Արմենիա/. Հարավկորեական Samsung Electronics ընկերությունը ներկայացրել է իր առաջին եռակի ծալվող սմարթֆոնը՝ Galaxy Z TriFold-ը։
Ինչպես նշված է արտադրողի կայքում, նորույթը Հարավային Կորեայի խանութներում կհայտնվի դեկտեմբերի 12-ին։
Ամբողջությամբ բացված վիճակում հեռախոսի էկրանի անկյունագիծը կկազմի 10 դյույմ, ինչը ֆունկցիոնալությամբ համեմատելի է պլանշետի հետ։
Սմարթֆոնը բազմաֆունկցիոնալ է. էկրանի երեք բաժիններից յուրաքանչյուրում հնարավոր է բացել առանձին հավելված, գրում է ՏԱՍՍ-ը։
Galaxy Z TriFold-ի գինը Հարավային Կորեայի շուկայում կկազմի 3,5 մլն վոն (մոտ $2 430):
Ավելի ուշ այն կհայտնվի Չինաստանում, Սինգապուրում, ԱՄԷ-ում և ԱՄՆ-ում։ Սարքը կմատակարարվի սև գույնով՝ ներկառուցված 512 ԳԲ հիշողությամբ, և կունենա Samsung-ի ծալվող հեռախոսների մեջ ամենահզոր մարտկոցը՝ 5 600 մԱժ։ Մարտկոցը, ինչպես էկրանը, բաժանված է երեք հատվածի, նշում են Samsung Electronics-ից։
Չինական Huawei ընկերությունը իր եռակի ծալվող էկրանով սմարթֆոնը՝ Huawei Mate XT-ն, թողարկել էր 2024 թվականի սեպտեմբերին։
