Պակիստանի երկաթուղիների նախարար Հանիֆ Աբբասին հայտարարել է, որ Իսլամաբադը, Թեհրանը և Ստամբուլը կապող ECO բեռնատար գնացքը կվերսկսի երթևեկությունը դեկտեմբերի 31-ին՝ ընդգծելով երկրի շահագրգռվածությունը Իրանի հետ տարածաշրջանային կապը ընդլայնելու հարցում, հաղորդում է Mehr-ը։
Հանիֆ Աբբասին երեքշաբթի՝ դեկտեմբերի 2-ին, Ռավալպինդիի առևտրաարդյունաբերական պալատի պաշտոնյաների առջև ունեցած ելույթի ժամանակ հայտարարել է, որ Պակիստանը մեծ ցանկություն ունի ընդլայնել տարածաշրջանային կապերը Իրանի Իսլամական Հանրապետության հետ։
Նա հավելել է, որ այս նպատակին հասնելու համար Պակիստանի երկաթուղիները մտադիր են երկաթուղային ծառայություններ գործարկել մինչև այս տարվա վերջ և խրախուսում է գործարար համայնքին օգտվել այս նոր հնարավորություններից։
Պակիստանի երկաթուղիների նախարարը հավելել է, որ Իսլամաբադ-Թեհրան-Ստամբուլ կոնտեյներային գնացքի վերակենդանացման ծրագիրը կիրականացվի դեկտեմբերի 31-ին, և նա կարծում է, որ այս ծառայությունը կարևոր է Պակիստանի տարածաշրջանային առևտրի համար։