«Եպիսկոպոսների՝ Փաշինյանի հետ հանդիպման հաջորդ օրը հանդիպել եմ Արցախի թեմի առաջնորդի հետ»,- այսօր լրագրողների հետ զրույցում ասաց Արցախի նախագահ Սամվել Շահրամանյանը։ «Ինձ հետաքրքրում էր մեկ հարց․ արդյոք այդ հանդիպումը համաձայնեցված էր Վեհափառի հետ, և ստացել եմ բացասական պատասխան։ Ըստ այդմ՝ իմ եզրակացություններն արել եմ»,- հավելեց նա։
«Ցավալին այն է, որ մենք բոլորս ականատես ենք լինում գործող իշխանության ու եկեղեցու միջև հակադրությանը»,- հավելեց Շահրամանյանը:
Հիշեցնենք՝ օրեր առաջ վարչապետը հանդիպում էր ունեցել Հայաստանյայց Առաքելական Սուրբ Եկեղեցու մի խումբ եպիսկոպոսների հետ, այդ թվում՝ Տեր Վրթանես եպիսկոպոս Աբրահամյանի: