Քաղաքականություն
02.12.2025 | 14:48
Բրյուսելում մեկնարկել է ԵՄ-Հայաստան գործընկերության խորհրդի 6-րդ նիստը, որին մասնակցում է ՀՀ ԱԳ նախարար ԱրարատՄիրզոյանը։ ՀՀ արտաքին քաղաքական գերատեսչության ղեկավարը ստորագրեց ԵՄ-ի հետ գործակցության նոր ռազմավարական փաստաթուղթը։
Ավելի վաղ տեղեկացրել էինք, որ այսօրվա քննարկումների օրակարգում ՀՀ-ԵՄ գործընկերության խորացման հարցերն են։
Վաղ առավոտյան, Բրյուսելում հայ լրագրողների հետ հանդիպմանը, ԵՄ ընդլայնման հարցերով հանձնակատար Մարթա Կոսը հայտնել էր, որ Հայաստանի և ԵՄ-ի հարաբերություններն «ավելի սերտ են, քան երբևէ», և անդրադարձել էր մի քանի առանցքային ուղղությունների՝ վիզաների ազատականացումից մինչև անվտանգություն և ֆինանսական աջակցություն։ Մարթա Կոսը նաև հայտնել էր, որ ստորագրվելիք փաստաթուղթը անվտանգային, պաշտպանական բաղադրիչներ է ներառում։