Եզրափակչում Կարապետյանը խոշոր առավելությամբ՝ 242,3 միավորով, դարձավ մրցաշարի հաղթող․ ՖՈՏՈ
ԵՐԵՎԱՆ, 1 դեկտեմբերի․/Նովոստի–Արմենիա/․ Լեհաստանի Բիալիստոկ քաղաքում ընթացող «Polish Open Kaliber»-ի մրցումային վերջին օրը հրաձիգները հանդես եկան անհատական պայքարում։
Ինչպես հայտնում է Հայաստանի հրաձգության ֆեդերացիան, Հայաստանի հավաքանակի անդամ Էլմիրա Կարապետյանը որակավորման փուլում խոցեց 569 միավոր և անցավ եզրափակիչ փուլ։
Եզրափակչում Կարապետյանը խոշոր առավելությամբ՝ 242,3 միավորով, դարձավ մրցաշարի հաղթող։
Ավելի վաղ Բենիկ Խլղաթյան – Էլմիրա Կարապետյան զույգը 10 մետր օդամղիչ ատրճանակ միքս մրցաձևում դարձել էր մրցաշարի արծաթե մեդալակիր։
