SoftBank-ը վաճառել է Nvidia-ում ունեցած իր 5.83 միլիարդ դոլար արժողությամբ բաժնետոմսերը՝ ԱԲ նախագծերի համար ֆինանսներ ներգրավելու նպատակով։
ԱԲ նախագծերի թվում է ընկերության տարեկան 3 միլիարդ դոլարի ներդրումը OpenAI-ում՝ SB OpenAI Japan համատեղ նախաձեռնության միջոցով։ Ընկերությունը նաև վաճառել է T-Mobile-ի 9.17 միլիարդ դոլար արժողությամբ բաժնետոմսերը՝ կապիտալի վերաբաշխման ավելի լայն ռազմավարության շրջանակում։
Ֆինանսական տնօրեն Յոշիմիցու Գոտոն նշել է, որ այս քայլը թույլ է տալիս SoftBank-ին ուժեղացնել իր ֆինանսները՝ միաժամանակ ընդլայնելով ԱԲ-ին ուղղված ներդրումները տվյալների կենտրոններում և ռոբոտաշինական նախագծերում ԱՄՆ-ում։ Չնայած որոշ ներդրողների մտահոգություններին՝ ԱԲ փուչիկի մեծացման հավանականության հետ կապված, Գոտոն ընդգծել է, որ վաճառքը պայմանավորված է ֆինանսավորման անհրաժեշտությամբ, ոչ թե Nvidia-ի նկատմամբ վստահության նվազումով։
Վերլուծաբանների գնահատմամբ՝ այս քայլը ցույց է տալիս SoftBank-ի ձգտումը այս եռամսյակում ֆինանսավորել մոտ 30 միլիարդ դոլարի նոր նախագծեր, ինչը կգերազանցի ընկերության վերջին երկու տարիների ընթացքում իրականացրած ընդհանուր ներդրումները։ Ընկերությունը երկրորդ եռամսյակում արձանագրել է 16.2 միլիարդ դոլարի զուտ եկամուտ՝ զգալիորեն գերազանցելով վերլուծաբանների կանխատեսումները։