Ֆրանսիայում աճուրդում վաճառվել է Պիտեր Պոլ Ռուբենսի երկար տարիներ անհետացած նկարներից մեկը՝ «Խաչին գամված Քրիստոսը», ստեղծված 1613 թվականին։ Գլուխգործոցը հայտնաբերվել էր անցած տարի՝ Փարիզի առանձնատներից մեկում, որտեղ այն պահված էր ավելի քան 400 տարի։
Նկարը նախապես գնահատվում էր 1-2 մլն եվրո, սակայն վաճառվել է 2,3 մլն-ով։
Նկարի գոյությունը մինչ այժմ հայտնի էր միայն Ռուբենսի ժամանակակցի թողած փորագրությունից։ Իսկությունը հաստատվել է ռենտգենյան և գունանյութերի վերլուծությամբ։ Արվեստաբանների խոսքով՝ սա Ռուբենսի եզակի աշխատանք է, որտեղ ներկայացված է մահացած Քրիստոսը՝ խաչի վրա։
Նկարը պատկանել է 19-րդ դարի ֆրանսիացի նկարիչ Բուգրոի ընտանիքին և այժմ առաջին անգամ հայտնվել է հանրային վաճառքի։