ՀՀ վարչապետ Նիկոլ Փաշինյանն ԱԺ-ում հայտարարել է, որ պետք է որոշել՝ Հայաստանը հրաժարվո՞ւմ է «կոնյակ» բառից, թե՞ ոչ։ Ուղիղի հեռարձակումը՝ Armenia Today-ի YouTube ալիքում։
«Կոնյակը Ֆրանսիայի տարածքում աճեցված խաղողից ստացված խմիչք է»,- նշել է Փաշինյանը։
Նա ընդդիմությանն առաջարկել է կոնսենսուս ձևավորել և լուծել ստանդարտացման հարցը՝ արգելելով «կոնյակ» բառի օգտագործումը։ Փաշինյանը նաև պնդել է, որ «հայկական կոնյակն ազգային արժեք» չի համարում:
2021-ի հունիսին ՀՀ փոխվարչապետ Մհեր Գրիգորյանը հայտնել էր, որ հայ արտադրողները 2043 թվականից Հայաստանի և Եվրամիության միջև ընդլայնված գործընկերության համաձայնագրի շրջանակներում կհրաժարվեն «կոնյակ» բառի օգտագործումից։ 2024-ի հուլիսին Պապոյանը հայտարարել էր, որ հայկական կոնյակը կվերանվանվի «Արմենիան բրենդի»։
Փաշինյանը 2024 թվականին կոչ էր արել հայկական արտադրանքը «կոնյակ» չանվանել և օգտագործել «բրենդի» անվանումը։ Նա նշել էր, որ «կոնյակ» անվանումը վերաբերում է Ֆրանսիայում արտադրվող խմիչքին։
Հայկական կոնյակի արտադրության սկիզբը դրվել է 1887 թվականին՝ Երևանում, վաճառական Ներսես Թաիրյանի կողմից։ Վերջինս առաջին անգամ ստեղծել էր հայկական կոնյակ՝ ֆրանսիական տեխնոլոգիայի կանոններով: Նոր մակարդակի հասնելու և արտադրանքը երկրից դուրս հայտնի դարձնելու համար 20-րդ դարի սկզբին հաստատված ձեռնարկությունը միացել էր ՌԴ-ում հայտնի «Շուստով և որդիներ» հայտնի գործընկերությանը:
Նոր սեփականատերը ֆրանսիացի մասնագետներից իրավունք էր ստացել շշերի վրա գրել ոչ թե «բրենդ», այլ «կոնյակ»։ Հայկական կոնյակի երկրպագուն Մեծ Բրիտանիայի վարչապետ Ուինսթոն Չերչիլն էր։ Նա հայկական կոնյակը համտեսել էր ԽՍՀՄ կառավարության ղեկավար Իոսիֆ Ստալինի հետ անձնական հանդիպումների ժամանակ։
Այդ ժամանակից ի վեր նա մինչև Չերչիլի մահը եռամսյակը մեկ Լոնդոն էր ուղարկում 10 արկղ «Դվին» կոնյակ։ Նա հայկական կոնյակը համարում էր իր երկարակեցության գաղտնիքներից մեկը։ «Երբեք մի ուշացեք ճաշից, ծխեք Հավանայի սիգարներ և խմեք հայկական կոնյակ»,- ասում էր Բրիտանիայի վարչապետը:
