ՀՀ քննչական կոմիտեի Արարատի մարզային քննչական վարչությունում ավարտվել է մի խումբ անչափահասների կողմից մեկ այլ անչափահաս աղջկա նկատմամբ բռնություն գործադրելու դեպքով քրեական վարույթի նախաքննությունը։…
ՀՀ քննչական կոմիտեի Արարատի մարզային քննչական վարչությունում ավարտվել է մի խումբ անչափահասների կողմից մեկ այլ անչափահաս աղջկա նկատմամբ բռնություն գործադրելու դեպքով քրեական վարույթի նախաքննությունը։
ՔԿ-ի տվյալներով՝ 2026 թվականի հունիսի 13-ին երեք անչափահասներ նախնական պայմանավորվածությամբ եկեղեցու հարակից տարածքում հանդիպել են անչափահաս տուժողին։ Ըստ քննության՝ նրանք հարվածներ են հասցրել աղջկա մարմնի տարբեր հատվածներին, քաշել մազերից, հայհոյել, իսկ կատարվածը նկարահանել են բջջային հեռախոսով և տարածել համացանցում։
Երեք անչափահասների նկատմամբ հարուցվել է հանրային քրեական հետապնդում՝ մի խումբ անձանց կողմից տեղեկատվական և հաղորդակցական տեխնոլոգիաների օգտագործմամբ խուլիգանություն կատարելու մեղադրանքով։
Նրանց նկատմամբ որպես խափանման միջոց կիրառվել են դաստիարակչական հսկողությունը և բացակայելու արգելքը։
Քրեական վարույթը մեղադրական եզրակացությամբ ուղարկվել է հսկող դատախազին։