Կոլումբիայի արևմուտքում 5 օր առաջ գրանցված 7,4 մագնիտուդով կործանարար երկրաշարժից փրկվածներ գտնելու հույսերը գրեթե մարել են։ Շաբաթ երեկոյան հրապարակված պաշտոնական տվյալներով՝ զոհերի թիվը հասել է մոտ 290-ի, 140 մարդ անհետ կորած է, ևս 4000-ը՝ վիրավոր։
Օգոստոսի 10-ի առավոտյան 7:30-ին Սան Խոսե դել Պալմարում սկսված ցնցումները ավերել են շենքեր, դպրոցներ ու հիվանդանոցներ՝ Խաղաղօվկիանոսյան Բուենավենտուրա նավահանգստից մինչև արևմտյան խոշոր քաղաքներ: Մահացության դեպքերի ավելի քան երկու երրորդը բաժին է ընկնում Պերեյրային և Կոլումբիայի մեծությամբ երրորդ քաղաքին՝ Կալիին (ավելի քան 2 մլն բնակիչ)։
Փրկարարներն ու տեղի բնակիչները շարունակում են մաքրել փլատակները, սակայն ըստ Կալիի հրշեջ ծառայության պետ Ալբերտո Էռնանդեսի՝ կյանքի նշաններ կան միայն մեկ վայրում. մյուս տեղամասերում արդեն դիերի դուրսբերման փուլն է: Որոնողական աշխատանքները կավարտվեն կիրակի, ինչից հետո տարածքը կսկսեն մաքրել ծանր տեխնիկայով։