Իրանի էներգետիկ ենթակառուցվածքներին ԱՄՆ ԶՈՒ-ի և Իսրայելի հասցրած հարվածները հանգեցրել են Պարսից ծոցի՝ իրանական ափամերձ հատվածի նավթային աղտոտմանը, հայտարարել է Իսլամական Հանրապետության փոխարտգործնախարար Կազեմ Ղարիբաբադին։
«Քեշմ կղզու [իրանական] ափամերձ հատվածի նավթային աղտոտումը օտարերկրյա ռազմական ագրեսիայի հետևանքն է»,- գրել է նա X-ում։
Ղարիբաբադին հավելել է, որ Պարսից ծոցի իրանական ափերի շրջակա միջավայրին հասցված նման վնասը վկայում է Իրանի՝ որպես ափամերձ պետության կողմից Հորմուզի նեղուցի կառավարման մեխանիզմ մշակելու և ներդնելու անհրաժեշտության մասին։
ԱՄՆ-ը և Իսրայելը Իրանի դեմ պատերազմն սկսել են փետրվարի 28-ին։ Հունիսին Վաշինգտոնն ու Թեհրանը Իսլամաբադի միջնորդությամբ ստորագրել էին փոխըմբռնման հուշագիր, որը նախատեսում էր մարտական գործողությունների անհապաղ դադարեցում բոլոր ճակատներում, այդ թվում՝ Լիբանանում։
Հուլիսի գիշերը ԱՄՆ-ը վերսկսել էր մասշտաբային հարվածներն Իրանին՝ մեղադրելով նրան Հորմուզի նեղուցին վերաբերող պայմանավորվածությունների պայմանները խախտելու մեջ։ Իրանի և ԱՄՆ-ի Հորմուզի նեղուցի նկատմամբ վերահսկողության հակասական հայտարարությունների և փոխադարձ հարվածների ֆոնին Պարսից ծոցում նավթի խոշոր արտահոսք է գրանցվել, որը սպառնալիք է ստեղծել Օմանի և Իրանի առափնյա էկոհամակարգերի համար։
