Մենք համարում ենք, որ «TRIPP» նախագիծը, այսինքն՝ Ամերիկայի Միացյալ Նահանգների ներգրավվածությունը, Ադրբեջանի համար հավելյալ զսպող գործոն է դառնում։ Այս մասին Ազգային ժողովում հայտարարել է «Ուժեղ Հայաստան» խմբակցության ղեկավար Նարեկ Կարապետյանը։
«Մեզ մտահոգում է ուղիղ երաշխիքների բացակայությունը․ կա տնտեսական ներկայություն, բայց չկան անվտանգության երաշխիքներ»,- ընդգծել է Կարապետյանը։
Նրա խոսքով՝ հաշվի առնելով տարածաշրջանային իրավիճակը՝ Հայաստանին անվտանգային երաշխիքների ավելի լայն համակարգ է անհրաժեշտ։
«Իրանի սահմանից ընդամենը 20 մետր հեռավորության վրա շատ բարդ է երկարաժամկետ խաղաղ միջավայր ապահովելը՝ հաշվի առնելով տարածաշրջանային զարգացումներն ու Իրան-ԱՄՆ հարաբերությունների լարվածությունը։ Մենք մտահոգված ենք, որ տարածաշրջանի հիմնական խաղացողները ներգրավված չեն որպես երաշխավոր, ինչն էլ կարող է լրացուցիչ ռիսկեր առաջացնել»,- հավելել է պատգամավորը։