Մրցակցության և սպառողների շահերի պաշտպանության հանձնաժողովը հարուցված վարույթի շրջանակում բացահայտել է, որ «ԱԿԶ» ապրանքային նշանի ներքո գործունեություն իրականացնող ընկերության՝ «Armenian cognac/Հայկական կոնյակ» գրառմամբ վաճառվող երեք արտադրատեսակները մի շարք ֆիզիկաքիմիական ցուցանիշներով չեն բավարարում Ռ 59570-2023 ԳՈՍՏ-ի սահմանած պահանջներին։
Լաբորատոր փորձաքննության արդյունքներով հաստատվել է, որ հիշյալ արտադրանքների բաղադրության մեջ առկա է եղել ոչ խաղողային ծագման սպիրտ։
Խոսքը հետևյալ արտադրատեսակների մասին է՝
«ARMENIAN COGNAC URARTU ՀԱՅԿԱԿԱՆ ԿՈՆՅԱԿ ՈՒՐԱՐՏՈՒ» անվանումով 3 տարի, 0․5 լ, 40%,
«ARMENIAN COGNAC URARTU ՀԱՅԿԱԿԱՆ ԿՈՆՅԱԿ ՈՒՐԱՐՏՈՒ» անվանումով 15 տարի, 0․5 լ, 40%,
«ARMENIAN COGNAC SARGIS ՀԱՅԿԱԿԱՆ ԿՈՆՅԱԿ ՍԱՐԳԻՍ» անվանումով, 5 տարի, 0․5 լ, 40% ։
Տնտեսավարողի դրսևորած վարքագիծը գնահատվել է որպես սպառողների շահերի խախտում, այդ թվում՝ անարդար առևտրային գործելակերպ, և վերջինիս նկատմամբ տուգանք է նշանակվել։
Հանձնաժողովը հանձնարարել է դադարեցնել նշված ապրանքների վաճառքը, իսկ այլ տնտեսավարող սուբյեկտների միջոցով դրանց իրացման պարագայում՝ գրավոր կերպով հետ կանչել դրանք։