Սիրիայի հյուսիս-արևելյան մի շարք շրջաններում՝ Հասաքայում, Ղամիշլիում և Քոբանիում, սրվել են լարվածությունն ու բախումները ներքին անվտանգության ուժերի և ցուցարարների միջև։
Ըստ պետական «ՍԱՆԱ» գործակալության՝ Կոբանիում երիտասարդների խմբի հարձակման հետևանքով բողոքի ակցիաներ են սկսվել, իսկ Հասաքայում ցուցարարները գրոհել են անվտանգության ուժերի շտաբը և իջեցրել Սիրիայի դրոշը։
Անվտանգության ուժերի տվյալներով՝ անկարգությունների հետևանքով վիրավորվել է 19 աշխատակից, ձերբակալվել է 7 կասկածյալ։ Իրավիճակը վերահսկելու և կարգուկանոնը պահպանելու նպատակով իրավապահները խստացրել են վերահսկողությունը և ուժեղացրել ներկայությունը տարածաշրջանում։