Իսպանիայի Ալիկանտե նահանգում անցկացվող Castell de l’Olla հրավառության սիրահարների փառատոնի ժամանակ տուժել է մինչև 27 մարդ։ Այս մասին հայտնում է Cadena SER ռադիոկայանը։
Լրատվամիջոցի տվյալներով՝ միջադեպը տեղի է ունեցել կիրակի առավոտյան։ Ալտեա քաղաքում արդեն 40 տարի անցկացվող այս ավանդական փառատոնի ընթացքում պիրոտեխնիկական անսարքություն է գրանցվել, ինչն էլ դարձել է պատահարի պատճառ։
Cadena SER-ը հավելում է, որ բոլոր տուժածները հոսպիտալացվել են։