Լիբանանն ու Իսրայելը համաձայնության են եկել այն երկրների կարճ ցուցակի շուրջ, որոնք կարող են զորքեր ուղարկել՝ ԱՄՆ-ի միջնորդությամբ կնքված համաձայնագրի շրջանակներում «Հեզբոլլահ»-ի զինաթափումը ստուգելու համար, հայտնել է Reuters-ը՝ հղում անելով լիբանանցի պաշտոնյայի վրա։
Ըստ նրա՝ Միացյալ Նահանգները պետք է ընտրի այդ ցուցակից երկրները։
Պաշտոնյան հրաժարվել է լրատվականին նշել կարճ ցուցակում ընդգրկված որևէ երկիր կամ հայտնել թվի մասին։
Կայքի մեկ այլ լիբանանցի պաշտոնտար և երկու օտարերկրյա դիվանագիտական աղբյուր նախկինում ասել էին, որ Իսրայելն ու Միացյալ Նահանգները վետո են դրել Ֆրանսիայի վրա։
Ապրիլին ԱՄՆ-ն և Իրանը համաձայնության էին եկել երկշաբաթյա հրադադարի շուրջ, որից հետո պետք է մեկնարկեին բանակցությունները Պակիստանում, սակայն առաջին փուլը հաջողությամբ չէր ավարտվել։ Հունիսի 12-ին Իրանը հրապարակել էր ԱՄՆ-ի հետ հարաբերությունների կարգավորման 14 կետից բաղկացած հուշագիր, իսկ Պակիստանի վարչապետ Շահբազ Շարիֆը հայտարարել էր, որ կողմերը համաձայնության են եկել խաղաղության համաձայնագրի վերջնական տեքստի շուրջ։
Շվեյցարիայում հունիսի 21-ին ավարտվել էր ԱՄՆ-ի և Իրանի միջև բանակցությունների առաջին փուլը, որը հիմնականում կրել էր տեխնիկական բնույթ։ ԱՄՆ-ն և Իրանը համաձայնել էին 60 օրվա ընթացքում վերջնական համաձայնության հասնելու ճանապարհային քարտեզին։
