Ստեփանավանում փրկարարները կանխել են ռուս կնոջ ինքնասպանության փորձը

Ստեփանավանում ՀՀ ՆԳՆ Փրկարար ծառայության Լոռու մարզային փրկարարական վարչության և Ստեփանավանի հրշեջ-փրկարարական ջոկատի աշխատակիցները կանխել են կնոջ ինքնասպանության փորձը։

Ըստ ֆոտոլրագրող Գագիկ Շամշյանի՝ ահազանգը ստացվել է օգոստոսի 7-ին՝ ժամը 17:30-ի սահմաններում։ Տեղեկացվել էր, որ մի կին Բալայանի անվան կամրջից պատրաստվում է ցած նետվել։

Փրկարարները, ցուցաբերելով օպերատիվ և մասնագիտական գործողություններ, կարողացել են կանխել նրա ծայրահեղ քայլը։ Այնուհետև կինը ոստիկանների ուղեկցությամբ տեղափոխվել է ոստիկանության Ստեփանավանի բաժին։

Դեպքի առթիվ նյութեր են կազմվել և փոխանցվել ՀՀ Քննչական կոմիտեի Լոռու մարզային քննչական վարչության Ստեփանավանի քննչական բաժին։

Նախնական տվյալներով՝ փրկված կինը ազգությամբ ռուս Իրինա Պ.-ն է։