Պակիստանի հյուսիս-արևմուտքում գտնվող Խայբեր-Պախտունխվա նահանգում ոստիկանական բաժանմունքի մոտ տեղի ունեցած պայթյունի հետևանքով զոհվել է 14 մարդ, վիրավորվել՝ 20-ը, հաղորդում է «Դոն» թերթը՝ հղում անելով իրավապահ մարմինների աշխատակիցներին։
Սվաթ շրջանի ոստիկանապետ Ումար Խանի խոսքով՝ մահապարտ-ահաբեկիչը պայթեցրել է իր սարքը, երբ ոստիկանությունը փորձել է կանգնեցնել և խուզարկել նրան բաժանմունքի մուտքի մոտ։
Պայթյունը տեղի է ունեցել Քաբալ Չոուկի մոտակայքում, որտեղ այդ պահին տեղի էր ունենում մեծ հանրահավաք՝ Սվաթ հովտում ահաբեկչական ակտիվության աճի դեմ բողոքի ցույցի համար։