Tert.am-ը գրում է.
Տոկաևը Պուտինի հետ հանդիպման ժամանակ առաջարկել է վերադառնալ «ստամբուլյան բանաձևին»՝ Ուկրաինայի հարցով համաձայնության հասնելու համար։
«Թերևս, արդեն արժե սառեցնել այս հակամարտությունը և վերադառնալ Ստամբուլյան բանաձևին, քանի որ այնտեղ զգալի արդյունքներ էին ձեռք բերվել»,- Օմսկում ասել է Ղազախստանի նախագահը ՌԴ առաջնորդի հետ հանդիպման ժամանակ:
Խաղաղ կարգավորման գործում միջնորդ լինել, Տոկաևի խոսքով, Ղազախստանը չի ցանկանում, քանի որ «ռուս ժողովուրդը մեծ է, և նա գլուխ կհանի առանց միջնորդների»։
Պուտինն էլ խոստացել է Տոկաևին մանրամասն տեղեկացնել Ուկրաինայում ստեղծված իրավիճակի մասին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: